انا فتاه من أصول باكستانيه أجدادي كانوا من تجار مكه من ايام الملك عبد العزيز بدايه فتحه للمملكه فاستقروا هنا وطبعا انا من مواليد مكه حتى امي وابويا الله يرحمه فعداتنا وتقاليدنا زي هنا بالضبط درست الثانويه وبعدها كملت معهد تحفيظ قرآن ودرست فيها كل المواد الدينيه والحمد الله بعد ٣ سنين اتخرجت واتوظفت في كذا مجال وبعدها اتزوجت سعودي من الرياض لمده ٦ شهور وانفصلت عنه لظرف ما وابغى ابدا حياه جديده مع شخص يحترمني واكون اسرتي معاه واتمنى التوفيق للجميع.
مواصفات فارس أحلامي
اهم حاجه رجل يخاف الله فيني ويحترمني و وقت المشاكل يتفاهم ويتحاور معايه من غير سب وشتم وضرب وصراخ ويكون رجل وسند لي بعد الله ويهتم ويتحمل مسؤؤلتي ومسؤؤلية أطفالنا ومايقصر في حقوقي وبالمقابل كل طلباته وأوامره مجابه وعلى راسي اعطيه أكثر من حقه ومايكون معقد ومتفتح نوعا ما يكبدني ويتركلي مجال من الحريه ومايحرمني من زياره اهلي وصحباتي ومايحرمني من الخلفه لاني ابغى اصير ام كتبت كل حاجه بصراحه والله يشهد عليه اني ماكذبت و ابغى اتزوج بالحلال وماعندي اي غرض تاني واتمنى من كل اللي يراسلني يكون صادق معايه.
