بالنسبة لمظهرى انا والحمد لله انيق وشكلى حلو ونظيف وابن ناس لكن وانا عندى 25 سنة عملت حادثة وكانت النتيجة ان رجلى بتتحرك بصعوبة وقاعد على كرسى متحرك لكن باقى جسمى تمام والحمد لله .... اتجوزت وخلفت وطلقت وبشتغل بدل الشغل شغلتين ... عايش حياتى عادى جدا ومش بحتاج مساعدة من حد اطلاقا فى انشطة حياتى وبخرج وبسافر وعايش حياتى زى الفل ... من الاخر مش هتحسى تماما انى قاعد على كرسى .. ابنى كبير عنده 14 سنة وانا اللى مربيه تماما لوحدى تقريبا يعنى اللى هتتجوزنى مش هتربيه ولا هتتعب معاه .. مش عايز واحدة بتشتغل ولو عندها شغل بسيط من البيت مفيش مشاكل لان شغل البيت كفاية عليها واصعب من شغل الراجل مرتين مابالك بقه لو بتشتغلى !!
مواصفات فارسة أحلامي
محدش بيختار نصيبه ... وفى الاخر استحالة هلاقى واحدة فيها كل الصفات اللى انا عايزها زى ماهى برضه مش هتلاقى فيا كل اللى هى عايزاه بس فيه اساسيات مقدرش اتنازل عنها واهمها النظافة والنظام تكون بتحب العلاقة الحميمة وتكون مش النوع اللى بياخد كلمة ويعمل منها موضوع وتتسبب فى خناقات ومشاكل والباقى عند التعارف ان شاء الله لكن اهم حاجة تبقى سندى وانا سندها وياريت نعرف معنى الكلمة ده فعلا
