بعد التعارف لي عزة ٍ .. يا بنت .. تقتل خفوقي
لو كان فكّر .. في وصالك .. دقايق .. !
ودعتك الله .. يا غرامي .. وشوقي
حافظك .. من يحفظ .. جميع الخلايق .. !
لا تذرفين الدمع .. يا بنت روقي
خلّي دموعك .. في عيونك .. وثايق .. !
أدري غرامك .. كـ / الدما في عروقي
وأدري بشوقي لك .. عذاب وحرايق .. !
لكن بصبر .. وأعتذر .. عن حقوقي
وأقول رايق .. وأدري ماني برايق .. !
ما دام دربك .. صايرن فيه .. عوقي
يعفيني الله .. من غرام العوايق .. !
البعـد ماهو .. من صفاتي .. وذوقي
مير الهوى .. حوّل .. بذيك الحدايق .. !
خالف .. غصون ٍ نابته .. وسط موقي
وأصبح بموقي .. شيء ماهو .. بلايق .. !
حسرة .. تسوق الدمع للخد .. سوقي
ونظره .. تثير المسألة .. والحقايق
مواصفات فارسة أحلامي
ياليل كان الحب هذي مواريه..
..عزالله أني رحت ياليل فيها
دار الزمان ورجع الوقت ماضيه..
..جتني ياليل وأنا ما كنت أبيها
صدفه على شاطي البحر جت وأنا فيه..
..ومن الوله بغيت أسلم عليها
جتني تخطى ورد الأحباب تهديه..
..ورفضت لاخذ وردتن من يديها
ياليل درب الحب ماني بغاويه..
..لي كلمتني لصدرت واحتميها
الجرح ماهو بلى ولاني مخاويه..
..هايم دروب الحب كيف أنتهيها
الحب ياهل الحب كيف أنا أنهيه..
..شيرو علي علومكم وأبتديها
